Wednesday, 29 January 2020

சந்தோஷ் ஏன் அவளையே நினைத்துக்கொண்டிருக்கிறான்?

அடேய் சந்தோஷ்,

கண்டவுடன் காதலில் உனக்கு நம்பிக்கையில்லை என எனக்குத் தெரியும். ஒரு பெண்ணைப் பார்த்த நொடியிலேயே ஆணுக்கு எழும் காதல் உன் பகுத்தறிவுக்குப் புலப்படாத உணர்வாகவே இருந்துவந்தது. இப்போதும் அப்படியே இருக்கிறது என்றே நம்புகிறேன். பல முறை காதலில் விழுந்து, எழுந்தவன் என்றபோதிலும் இந்த வகைக் காதல் கதைகள் மட்டும் உன்னை எப்போதும் வேடிக்கைக்குள்ளேயே ஆழ்த்தியிருக்கின்றன.

Monday, 20 January 2020

1917: போர்த் 'திரைப்படத்' தொழில் பழகு

புதிதாக வெளியான படங்கள், பழைய படங்கள் என ஓராண்டில் குறைந்தது 350 படங்களையாவது கண்டுவிடுகிறேன். என்றாலும், திரைப்படம் என்பது, கதை சொல்லும் கலையா, இல்லையென்றால் தொழில்நுட்பங்களால் அந்தக் கதைகளை ஒரு பேரனுபவமாக மாற்றும் கலையா என்ற விவாதம் எனக்குள்ளே நிகழ்ந்துகொண்டேதான் இருக்கிறது. கண்டிப்பாக இந்த இரண்டுக்கும் இடையே, இரண்டு நிலைகளையுமே ஒத்த, அந்தந்த காலக்கட்டத்துக்கான தொழில்நுட்ப மேம்பாடுகளுக்கு ஏற்றவாறு தன் வடிவத்தையும் மேம்படுத்திக்கொள்ளும் கலை என்பதில் மட்டும் உறுதியாக இருக்கிறேன்.

Tuesday, 8 October 2019

அசுரரைப் போற்று!

ஒரு கதை, இரு வேறு ஊடகங்களின் வாயிலாகவோ, இரு வேறு மொழிகளிலோ சொல்லப்பட்டால், இரண்டும் வெவ்வேறு படைப்புகளாகத்தான் கருதப்படவேண்டும். புதினமாக இருக்கும் ஒருக் கதை மேடை நாடகமாகலாம், அந்த நாடகம் பாவைக்கூத்தாகலாம், அந்தக் கூத்து திரைப்படமாகலாம். எல்லாவற்றிலும் கதை ஒன்றாக இருந்தாலும், எல்லாமே ஒரே படைப்பல்ல. நாவல்களைப் படித்துவிட்டு, அவற்றைப் படங்களாகப் பார்க்கும்போது, இது நாவலில் இல்லையே, என்ற கேள்வியோ கருத்தோ எழுந்தால், உங்களின் முன்முடிவுகளை நீங்கள் மறுபரிசீலனைக்கு அனுப்பவேண்டும்.

Wednesday, 16 January 2019

நா. முத்துச்சரம் #3: காதலுக்குக் கதவில்லை

காதலின் பிரிவைப் பாரதிதாசன் ஒரு அழகான உவமையைக் கையாண்டு பாடலாக்குகிறார். கணவனைப் பிரிந்து அவன் வருகையை எதிர்நோக்கிக்கொண்டிருக்கும் மனைவி அவள். அவன் வரும் தெருவைப் பார்த்தபடியே வீட்டின் வாசற்கதவைத் திறந்துவைத்து அங்கேயே காத்துக்கொண்டிருந்த அவள், ஒரு கட்டத்தில் அந்தக் கதவாகவே மாறிப்போகிறாள் என்கிறார்.

இதில் வியக்க ஒன்றுமில்லை. கதவுக்குப் பதிலாக அங்கே நின்றுகொண்டிருப்பதால், அவளே அந்தக் கதவாகிறாள் என்பது அந்தக் கவிதையின் உட்கருந்து.

"விட்டுப் பிரியாதார் மேவும் ஒருபெண்நான்
பிரிந்தார் வரும்வரைக்கும் பேதை தெருவில்
கருமரத்தால் செய்த கதவு"

Thursday, 10 January 2019

Viswasam: Siva & Team make it ViswAWESOME

One must say filmmaker Siva has learnt the art of handling the mass-quotient of Ajith Kumar on screen. Having worked together in three films already, the fourth outing of the director-actor combo, Viswasam makes it bigger than what it had originally promised. The rustic and raw urban-rural entertainer is packed with elements that would satisfy a person expecting a complete mass entertainer flick.